Për plotësimin e rekomandimeve të Opinionit të Komisionit Europian të nëntorit 2010 për aplikimin e Shqipërisë për anëtarësim në BE, dhe në veçanti të 12 prioriteteve kyçe, qeveria përgatiti Planin e Veprimit, nëpërmjet një procesi që filloi rreth një vit më parë, në konsultim me opozitën parlamentare dhe shoqërinë civile dhe në transparencë të plotë, duke u përpjekur që të përfaqësohen interesat e gjera të shoqërisë shqiptare. Plani i Veprimit i finalizuar u miratua në qershor 2011, dhe shumica e aktiviteteve të parashikuara janë realizuar ose janë në proces.

Në dritën e rekomandimeve të progres-raportit të Komisionit Europian 2011, të konsultimeve me Komisionin Europian, si edhe bazuar në zhvillimet e reja politike, Qeveria shqiptare dhe në veçanti Ministria e Integrimit është e angazhuar për rishikimin e Planit të Veprimit në bashkëpunim me Kuvendin.
Në datën 31.1.2012, drafti final iu dërgua për shqyrtim Komisionit Parlamentar për Integrimin Evropian.

Pas marrjes së komenteve dhe sugjerimeve të Komisionit Parlamentar për Integrimin Evropian dhe finalizimit të tij nga institucionet e përfshira në këtë proces, Plani i Veprimit i rishikuar do ti paraqitet për miratim Këshillit të Ministrave të Republikës së Shqipërisë.

Në materialet më poshtë është shkëputur kontributi i Ministrisë së Drejtësisë per tre prioritete nëpërmjet zbatimit të masave për reflektimin e rekomandimeve përkatëse për sistemin e drejtësisë, pronat, korrupsionin dhe trajtimin e të burgosurve.
 
Plani i Veprimit për Plotësimin e Rekomandimeve të Opinionit të KE për Shqipërinë
Rekomandimi 7 - Shteti i së drejtës

Plani i Veprimit për Plotësimin e Rekomandimeve të Opinionit të KE për Shqipërinë
Rekomandimi 10 - Strategjia dhe plani i veprimit mbi të drejtat e pronës

Plani i Veprimit për Plotësimin e Rekomandimeve të Opinionit të KE për Shqipërinë
Rekomandimi 12 - Përmirësimi i trajtimit të të ndaluarve dhe burgosurve